Comu fussi bellu arriturnari
a li cusuzzi di lu me passatu,
chiamari lu grambiuli arrè falari
e lu dolci di Natali cucciddatu.
Putiri jri a la brivatura
e affunciari bummulu e quartara,
viviri e astutarimi l'arsuria
putiri zammatiari a peri fora.
Parrari sempri com'è la natura,
chiamari i meli puma e i peri pira,
nun diri: si fa buiu, ma, ora scura...
Trasiri comu un'api 'nta la cira
a la scurata, quannu è ghiunta l'ura
'nta i vrazza di me matri quannu è sira.
Nessun commento:
Posta un commento